जनस्तरीय संस्थाहरूको गठन र सञ्चालन, प्रशिक्षण, लेखन र प्रकाशन जस्ता विभिन्न विधाहरूबाट निरन्तर सामाजिक अभियान सञ्चालन गरेर नारी चेतना, जागरण, उत्थान र सबलीकरणका लागि महत्त्वपूर्ण भूमिका निर्वाह गर्नुभएकाले काठमाडौंकी प्रतिभा सुवेदीलाई ‘शब्दयात्रा हंसराज श्रेष्ठ सामाजिक जागरण सम्मान, २०८२’ समर्पण गरियो । यस सम्मानको आर्थिक व्यवस्थापन आफ्ना हजुरबुबा समाजसेवी हंसराज श्रेष्ठको सम्मानमा काभ्रेपलाञ्चोकका व्यवसायी आनन्दराज श्रेष्ठले गर्नुभएको हो । सम्मानका क्रममा आनन्दराज श्रेष्ठका तर्फबाट जयनारायण नेपालले माला र उपहार, हरि मञ्जुश्रीले किरीट तथा लीलादेवी श्रेष्ठले अभिवन्दनापत्र समर्पण गर्नुभएको थियो ।