शब्दयात्रा प्रकाशनका संस्थापक अध्यक्ष हरि मञ्जुश्रीलाई सुभाष स्मृति प्रतिष्ठानले आगामी चैत महिनामा आयोजना गर्ने वार्षिकोत्सवमा सम्मान गर्ने भएको छ । नेपाली समाजमा आध्यात्मिक जागरण गराउन उहाँले खेल्नुभएको भूमिकाको उच्च मूल्याङ्कन गर्दैै उहाँलाई सम्मान गर्न लागिएको कुरा प्रतिष्ठानका संस्थापक अध्यक्ष चन्द्रबहादुर खड्काले जानकारी दिनुभएको छ । वार्षिकोत्सवमा हरि मञ्जुश्रीका साथमा आध्यात्मिक जागरणका लागि उल्लेख्य भूमिका निर्वाह गर्ने अन्य व्यक्तित्वहरूलाई पनि सम्मान गरिने जानकारी गराइएको छ ।
