शब्दयात्रा प्रकाशनले आगामी जेठ ३१ गते सम्मान समर्पण तथा पुस्तक सार्वजनिकीकरण कार्यक्रम गर्ने भएको छ ।
उक्त कार्यक्रममा २०७५ सालमा समर्पण गरिने १८ वटा सम्मानहरूमध्ये ६ वटा सम्मान श्रीमती सावित्री जङ्गम थापा (ओखलढुङ्गा), नरेन्द्रबहादुर श्रेष्ठ (काठमाडौँ), सुभाष स्मृति प्रतिष्ठान (काठमाडौँ), द्रोणप्रसाद श्रेष्ठ (भोजपुर), नरेन्द्रकुमार अधिकारी (झापा) र रामप्रसाद अधिकारी (काभ्रेपलाञ्चोक) लाई समर्पण गरिनेछन् भने सरस्वती शर्मा सुवेदीद्वारा लिखित कथासङ्ग्रह ‘परेली’, पदमनाथ ढुङ्गानाद्वारा लिखित तथा गीता मञ्जुश्री र दामोदर घिमिरेद्वारा सम्पादित लेखसङ्ग्रह ‘कर्मयोद्धासँग शब्दसंवाद’ र डा. हेमराज काफ्लेद्वारा लिखित कवितासङ्ग्रह ‘अक्षरहरूको बिस्कुन’ गरी ३ वटा पुस्तकलाई सार्वजनिक गरिनेछ ।
कार्यक्रम काभ्रेको बनेपा, नीलकण्ठेश्वरधाममा आवस्थित शब्दयात्रा प्रकाशनको सभाकक्षमा हुने भएको छ ।
सम्मान कार्यक्रम जेठ ३१ गते
