शब्दयात्रा प्रकाशनले २०७७ सालको दोस्रो चरणमा समर्पण गरिने सम्मानका लागि विभिन्न पाँच विधाका व्यक्तित्वहरूको चयन गरेको छ । त्यसअनुसार कविताकाव्य सम्मानबाट अग्रज कवि तुलसी दिवस (धनकुटा), आमसञ्चार सम्मानबाट अग्रज आमसञ्चारकर्मी यादव खरेल (काभ्रेपलान्चोक), अनुसन्धान सम्मानबाट अग्रज अनुसन्धाता डा. जगमान गुरुङ (कास्की), महिला प्रतिभा सम्मानबाट जनस्वास्थ्यविद् डा. अरुणा उप्रेती (काठमाडौँ) र आध्यात्मिक पत्रकारिता सम्मानबाट मनोक्रान्ति अभियन्ता डा. योगी विकासानन्द (काठमाडौँ) लाई सम्मान गरिने भएको छ ।
कविप्रसाद प्याकुरेल, सुनील सापकोटा, राजेन्द्र विरही, द्रोणप्रसाद श्रेष्ठ र सुदर्शन आचार्यबाट आर्थिक व्यवस्थापन गरिएका यी सम्मानहरू आगामी फागुन महिनामा बनेपामा विशेष समारोहको आयोजना गरी समर्पण गरिनेछन् ।
सम्मान्य व्यक्तित्व चयन समितिले गरेको निर्णयका आधारमा यी सम्मानहरूको घोषणा गरिएको हो ।
शब्दयात्राबाट बाँकी पाँच सम्मानको घोषणा
