शब्दयात्रा प्रकाशनले २०७६ सालमा समर्पण गरिने १८ विधाका सम्मानहरूमध्ये जेठ महिनामा आयोजना गरिने पहिलो चरणको सम्मान समर्पण समारोहमा ६ जनालाई सम्मान समर्पण गर्ने भएको छ ।
उक्त समारोहमा शब्दयात्रा राष्ट्रझङ्कार सम्मानबाट प्रा. डा. सुरेन्द्र केसी (ताप्लेजुङ), शब्दयात्रा नन्दिकेश्वर अधिकारी शोध सम्मानबाट प्रा. लालानाथ सुवेदी (भोजपुर), शब्दयात्रा शिक्षक सम्मानबाट हरिविनोद अधिकारी (सिन्धुली), शब्दयात्रा सिर्जना सम्मानबाट डा. हेमराज काफ्ले (मोरङ), शब्दयात्रा प्रशासनिक महिला प्रतिभा सम्मानबाट नवीना श्रेष्ठ (ललितपुर) र शब्दयात्रा सामाजिक जागरण सम्मानबाट बाबा विश्वनाथ (सिन्धुपाल्चोक) लाई सम्मानित गरिनेछ ।
श्रीमती सविता अर्यालको संयोजकत्वमा रामप्रसाद तिमल्सिना र गोविन्दबहादुर खड्का सदस्य रहेको तीन सदस्यीय सम्मान्य व्यक्तित्व चयन समितिको गत २०७६ वैशाख २६ गते बिहीबारको बैठकबाट गरिएको सिफारिसका आधारमा शब्दयात्रा प्रकाशनले उहाँहरूलाई सम्मान गर्ने निर्णय गरेको हो । हरेक सम्मानमा ५ हजार रुपियाँ, किरीट, अभिवन्दनापत्र र उपहार रहने गरेका छन् ।
शब्दयात्राबाट छजनालाई सम्मान गरिने
