प्रा. डा. मीनबहादुर विष्टलाई शब्दयात्रा होम–तोत्र शिक्षा सम्मान

लामो समयसम्म विश्वविद्यालयमा शिक्षा विषयक प्राध्यापन र विद्यावारिधि उपाधिको शोधनिर्देशन गर्नुका साथै आफ्ना उत्कृष्ट शैक्षिक चिन्तनहरू पुस्तकाकार रूपमा नेपाली वाङ्मयमा प्रस्तुत गर्नुभएकाले शिक्षासेवी तथा शैक्षिक चिन्तक प्युठानका प्रा. डा. मीनबहादुर विष्टलाई ‘शब्दयात्रा होम–तोत्र शिक्षा सम्मान, २०८२’ समर्पण गरियो । यस सम्मानको आर्थिक व्यवस्थापन आफ्ना हजुरबुबा–हजुरआमाको सम्मानमा काभ्रेपलाञ्चोकका शिक्षासेवी रमेश पौड्यालले गर्नुभएको हो । डा. विष्ट अमेरिकामा हुनुभएकाले उहाँका तर्फबाट उहाँका सम्मान सामग्रीहरू सुदीप अधिकारीले सकुल थापालाई हस्तान्तरण गर्नुभएको थियो ।