शब्दयात्रा प्रकाशन भक्तपुर सम्पर्क केन्द्रको आयोजनामा प्रस्ताव लेखन सम्बन्धी एकदिने कार्यशाला गोष्ठी यही फागुन २७ गते सञ्चालन गरियो । कुनै पनि कार्यक्रम सम्पन्न गर्नका लागि आवश्यक पर्ने प्रस्ताव कसरी तयार गर्ने भन्ने बारेमा डा. इन्दुल केसीले सहजीकरण गर्नुभएको उक्त कार्यशालामा जीवनाथ अधिकारी, पदम दाहाल, सुनील सापकोटा, प्रजापति तिमिल्सिना, डिल्लीराम गौतम, बुद्धिकुमार घो, हरिबहादुर श्रेष्ठ लगायतको सहभागिता रहेको थियो । उक्त कार्यशाला गोष्ठी अत्यन्त उपयोगी रहेको तर समय छोटो भएका कारण प्रशस्त अभ्यास गर्न नसकिएकाले अर्को कार्यक्रम पनि आयोजना हुनुपर्ने सहभागीको चाहना अनुरूप निकट भविष्यमा पुनः अर्को कार्यशालाको आयोजना गरिने जानकारी कार्यक्रमका संयोजक जीवनाथ अधिकारीले गराउनुभयो । कार्यक्रमको आयोजना भक्तपुर ठिमीको आदर्श माध्यमिक विद्यालयमा गरिएको थियो ।