शब्दयात्रा प्रकाशनबाट २०७८ सालमा समर्पण गरिने शब्दयात्रा कृष्ण जोशी भोजपुर प्रतिभा पु्रस्कार अन्वेषक डा. गोविन्दमानसिंह कार्कीलाई प्रदान गरिने भएको छ । कवि कृष्ण जोशीको आर्थिक व्यवस्थापन रहेको यो पुरस्कार यसै वर्षदेखि समर्पण गर्न थालिएको हो । भोजपुर जिल्लाका प्रतिभालाई पुरस्कृत गरिने यस पुरस्कारका लागि योग्य…

शब्दयात्रा प्रकाशनले २०७८ सालको शब्दयात्रा हंसराज श्रेष्ठ सामाजिक जागरण सम्मान राष्ट्रिय समाजसेवी प्रा. डा. जगदीश वैद्य (ललितपुर) लाई समर्पण गर्ने भएको छ । उक्त सम्मानको आर्थिक व्यवस्थापक आनन्दराज श्रेष्ठ हुनुहुन्छ । यसै गरी शब्दयात्रा होम–तोत्र शिक्षा सम्मान प्राविधिक शिक्षा तथा व्यावसायिक तालिम विशेषज्ञ प्रा. डा….

शब्दयात्रा प्रकाशनका संस्थापक अध्यक्ष हरि मञ्जुश्रीले थारू जातिका स्वामी मुरलीधरानन्द र लिम्बू जातिका स्वामी आत्मानन्द लिङ्देनका विषयमा प्रवचन गर्नुभयो । सनातन वैदिक विवेचना कार्यक्रमअन्तर्गत हरेक आइतबार बिहान नेपाली सन्तको परिचयात्मक प्रवचन गर्ने क्रममा यसपटक उहाँहरूका विषयमा जानकारी गराउनुभएको हो ।

शब्दयात्रा प्रकाशनलाई स्नेह गरेर यस संस्थाको कार्यक्रममा उपस्थित भई कार्यक्रमको गरिमा बढाइदिने र यस संस्थाबाट प्रकाशित पुस्तकहरूमा आफ्नो मन्तव्य प्रदान गर्ने अग्रज कवि प्रह्लाद पोखरेल साझा प्रकाशनको महाप्रबन्धक बन्नुभएकोमा हार्दिक बधाई ज्ञापन गर्दछौँ । शब्दयात्रा प्रकाशन परिवार

शब्दयात्रा प्रकाशनद्वारा संस्थापित ‘शब्दयात्रा कर्मशीलता पुरस्कार’ बाट २०७५ सालमा पुरस्कृत लेखक दामोदर घिमिरे काठमाडौँ विश्वविद्यालयको अधिकृत पदमा बढुवा हुनुभएकोमा हार्दिक बधाई ज्ञापन गर्दछौँ । शब्दयात्रा प्रकाशन परिवार

शब्दयात्रा प्रकाशनबाट ‘शब्दचित्रमा हामी’ नामको कवितासङ्ग्रह प्रकाशन हुने भएको छ । यस सङ्ग्रहमा विभिन्न कवि–कवयित्रीका ‘शब्दचित्रमा म’ शीर्षकका कविताहरू रहनेछन् । यस सङ्ग्रहको सम्पादन समूहमा डा. इन्दुल केसी, जीवनाथ अधिकारी, डिल्लीराम गौतम, निर्मला श्रेष्ठ, पदम दाहाल, पुण्यवती घले र सुनील सापकोटा रहनुभएको छ ।

शब्दयात्रा प्रकाशनले २०७८ सालको शब्दयात्रा कर्मशीलता पुरस्कार डा. इन्दुल केसीलाई प्रदान गर्ने भएको छ । शब्दयात्रा प्रकाशनको उन्नयनका लागि योगदान गर्ने व्यक्तिलाई हरेक वर्ष प्रदान गरिने यो पुरस्कार गत वर्ष सकुल थापालाई प्रदान गरिएको थियो ।