शब्दयात्रा प्रकाशनले देउडा गीतका लागि पुरस्कार समर्पण गर्ने व्यवस्था गरेको छ । पुरस्कारको राशी २५ हजार रुपियाँ रहनेछ । पुरस्कारको नाउँ ‘शब्दयात्रा सकुल थापा देउडा पुरस्कार’ रहनेछ । यो पुरस्कार देउडाको गायन, संरक्षण, प्रवर्धन, अनुसन्धान, प्रकाशन र प्रचारप्रसार गर्न योगदान गर्ने व्यक्ति वा संस्थालाई हरेक वर्ष समर्पण गरिनेछ । पहिलोपटक यो पुरस्कार यही वर्षको माघ महिनामा समर्पण गरिनेछ । पुरस्कारको कोष व्यवस्थापन काभ्रेपलाञ्चोक जिल्लाको बनेपा नगरपालिका वडा नं. ७ निवासी विमला थापाले गर्नुहुनेछ । यस विषयमा विमला थापा र शब्दयात्रा प्रकाशनका बीच सम्झौता भइसकेको छ । सम्झौतापत्रमा कोष व्यवस्थापकका रूपमा विमला थापाले र शब्दयात्रा प्रकाशनका तर्फबाट कार्यसम्पादन समितिका सदस्य इ. रोशन मञ्जुश्री अधिकारीले हस्ताक्षर गर्नुभएको छ । देउडा पुरस्कारका लागि कोषको व्यवस्था गरिदिनुभएकोमा विमला थापाप्रति शब्दयात्रा प्रकाशन हार्दिक आभार व्यक्त गर्दछ ।