शब्दयात्रा प्रकाशनको ११ औँ वार्षिक साधारण सभा सम्पन्न

शब्दयात्रा प्रकाशनको ११ औँ वार्षिक साधारण सभा २०८१ साल पुस १३ गते शनिबार शब्दयात्रा प्रकाशनको सभाकक्षमा सम्पन्न भएको छ । साधारण सभाले सञ्चालक समितिको प्रतिवेदन, लेखापरीक्षकको प्रतिवेदन, अनुमानित कार्यक्रम र आयव्यय विवरण पारित गर्नुका साथै आ. व. २०८१–८२ को लेखापरीक्षणका लागि दर्तावाला लेखापरीक्षक नियुक्त गरी निजको पारिश्रमिक तोकेको छ । सभाले संस्थाबाट सञ्चालन गरिँदै आएका विभिन्न कार्यलाई निरन्तरता दिन, थप कार्यहरू सञ्चालन गर्न, आर्थिक रूपले संस्थालाई सक्षम बनाउन, सञ्चालक समितिले गर्दै आएका कार्यलाई सहयोग पु¥याउन र युवा सदस्यहरूको कार्यक्षमतामा वृद्धि गराई संस्थागत नेतृत्व गर्न सक्ने जनशक्ति विकास गर्न डा. भास्कर हुमागाईं, इ. रोशन मञ्जुश्री अधिकारी, कालिका त्रिपाठी पन्त, अमृत अधिकारी र वेदप्रसाद गौतम रहेको ५ सदस्यीय कार्यसम्पादन समिति गठन गरेको छ ।