शब्दयात्रा प्रकाशनले २०८१ सालको ‘शब्दयात्रा षडानन्द अधिकारी आध्यात्मिक पत्रकारिता सम्मान’ आध्यात्मिक पत्रकार तथा लेखक अच्युतप्रसाद पौडेल ‘चिन्तन’ (काठमाडौँ) लाई समर्पण गर्ने भएको छ । विभिन्न पत्रिकाहरूमा आध्यात्मिक स्तम्भलेखन गर्नुका साथै टेलिभिजनमा आध्यात्मिक कार्यक्रम पनि प्रस्तुत गर्ने गर्नुभएका उहाँ आध्यात्मिक पुस्तकहरूका लेखक तथा प्रवाचक पनि हुनुहुन्छ । उहाँलाई आगामी असोज महिनामा सम्मान समर्पण गरिनेछ । यस सम्मानको आर्थिक व्यवस्थापन समाजसेवी सुदर्शन आचार्यले गर्नुभएको हो । सम्मान ग्रहण गर्न स्वीकृति प्रदान गर्नुभएकोमा अच्युतप्रसाद पौडेल ‘चिन्तन’ प्रति शब्दयात्रा प्रकाशन हार्दिक आभार व्यक्त गर्दछ ।
