शब्दयात्रा प्रकाशन र नीलकण्ठेश्वर धाम संरक्षण समितिबाट बनेपाको शब्दसाधक तीर्थमा संयुक्त रूपमा सञ्चालित शब्दसाधक अतिथिगृहको भान्साका लागि आवश्यक पर्ने सामग्रीहरू अग्रज पत्रकार बलदेव थापा (गुन्डू, भक्तपुर) ले प्रदान गर्नुभएको छ । उहाँले ग्यास सिलिन्डर र ग्यास चुलोसहित ७ जनासम्मको भान्साका लागि आवश्यक पर्ने भाँडाकुँडाहरू सहयोगस्वरूप प्रदान गर्नुभएको हो । ती सामग्रीहरू शब्दयात्रा प्रकाशनका तर्फबाट संस्थापक सदस्य सकुल थापाले ग्रहण गर्नुभएको छ । यस सहयोगका लागि शब्दयात्रा प्रकाशन अग्रज पत्रकार बलदेव थापाप्रति हार्दिक आभार व्यक्त गर्दछ ।