यज्ञप्रसाद उपाध्याय त्रिपाठीद्वारा लिखित ‘चमेली’ मा ५१ सर्ग छन् भने जम्मा २ हजार ७ सय ८ श्लोक छन् । यी श्लोकलाई छन्दोबद्ध गर्न नसके पनि यथासम्भव लयबद्ध पार्ने प्रयास कृतिकारले गर्नुभएको छ । भाषा–व्याकरण पनि उहाँकै इच्छाबमोजिम जस्ताको तस्तै राखिएको छ । जीवनको उत्तरार्धमा पुगेका व्यक्तिमा गुम्सिएर बसेको प्रतिभाबाट जस्तोसुकै रूपमा कृति तयार पारिए पनि त्यसलाई समाजसमक्ष ल्याइदिनुपर्छ भन्ने अभिप्रायले यस कृतिको प्रकाशन गरिएको हो ।
