शब्दयात्रा प्रकाशनलाई लेखिका, गायिका तथा समाजसेवी लीलादेवी श्रेष्ठ र प्रा. केदारनाथ श्रेष्ठले एक थान टेलिभिजन उपहार प्रदान गर्नुभएको छ । शब्दयात्रा प्रकाशन र नीलकण्ठेश्वर धाम संरक्षण समितिको सहकार्यमा प्राज्ञिक अतिथिशाला बनाइने भएकाले त्यसका लागि उहाँहरूले टेलिभिजन प्रदान गर्नुभएको हो । शब्दयात्रा प्रकाशनका तर्फबाट आजीवन सदस्य साधुराम गिरीले टेलिभिजन ग्रहण गर्नुभएको छ । लीलादेवी श्रेष्ठ र प्रा. केदारनाथ श्रेष्ठ पनि शब्दयात्रा प्रकाशनका आजीवन सदस्य हुनुहुन्छ । उहाँहरूले यसअघि पनि शब्दवाटिका, पुस्तकालय, सरस्वती मन्दिर, सभाकक्ष, शिवलिङ्ग आदिका लागि सहयोग गर्नुभएको छ । उहाँहरूले शब्दयात्रा प्रकाशनमा पुरस्कार र विद्वतवृत्तिका लागि अक्षयकोष पनि राख्नुभएको छ । आफ्नो सिर्जना, अनुसन्धान तथा सम्पादनलाई पूर्णता दिन कलाकार, साहित्यकार, अनुसन्धाता एवं सम्पादक जस्ता शब्दसाधकहरू शब्दयात्रा प्रकाशन नीलकण्ठेश्वर धाममा आएर यहाँको अतिथिशालामा केही दिन बस्नुपर्ने स्थितिमा त्यो सुविधा पनि प्राप्त होस् भन्ने उद्देश्यले प्राज्ञिक अतिथिशाला बनाउन खोजिएको हो । अतिथिशालाका कोठाहरूका लागि पलङ, टेबल, कुर्सी, सिरक–डस्ना आदिको व्यवस्था गर्नुपर्ने अवस्था छ ।
