शब्दयात्रा प्रकाशनले नेपालको गीत–सङ्गीतका क्षेत्रमा नयाँ प्रतिभाको खोजी गर्न, नयाँ प्रतिभालाई उचाइ दिएर स्थापित गराउन, लोकदोहोरी गीत र गायकीलाई जनजनमा विस्तार गराउन, सामाजिक जीवन र लोकसंस्कृतिलाई गीत–सङ्गीतका माध्यमबाट प्रवर्द्धन गराउन, नेपाली जनजीवनका बारेमा राष्ट्रिय तथा अन्तर्राष्ट्रिय समुदायलाई जानकारी दिलाउन र सङ्कटमा परेका प्रतिभाशाली व्यक्तिहरूलाई सङ्कटबाट यथासम्भव मुक्त गराउन खेल्नुभएको अहम् भूमिकाका लागि कृष्ण कँडेललाई ‘शब्दयात्रा विशेष सम्मान, २०८१’ समर्पण गरेको छ । शब्दयात्रा प्रकाशनले स्थापनाको १२ वर्ष पूरा गरेको अवसर पारी उहाँलाई विशेष सम्मान समर्पण गरेको हो । सम्मान समर्पण गर्दा हरि मञ्जुश्रीले पुष्पमाला, गीता अधिकारीले रुद्राक्षमाला, मच्छेश्वर सापकोटाले उपहार र प्रा. रामकुमार पाँडेले सम्मानपत्र समर्पण गर्नुभएको थियो ।
