रोल्पा जिल्लामा जन्मनुभएका कवि खेमराज शर्माको महाकाव्य ‘माण्डवी’ शब्दयात्रा प्रकाशनको प्रकाशकत्वमा मुद्रण हुन लागेको छ । यस महाकाव्यभित्र माओवादी जनयुद्धको विषयले प्रवेश पाएको छ । अधिकांश श्लोकहरू अनुष्टुप छन्दमा छन् । यस महाकाव्यलाई यही माघ महिनाको अन्तिम साता सार्वजनिक गर्ने योजना छ । यो उहाँको सातौँ कृति हो । यसअघि उहाँले भोको पेट (खण्डकाव्य), दोमाई (उपन्यास), वीरे (खण्डकाव्य), छोरी (उपन्यास), गाउँको मुक्ति (गीतिनाटक) र बूढाको अर्ती (बालहितोपदेश) नामक कृतिहरू लेखेर प्रकाशन गराइसक्नुभएको छ । रोल्पा जिल्लाका साहित्यस्रष्टाबाट लेखिएको यो पहिलो महाकाव्य हो ।
रोल्पाली कविको पहिलो महाकाव्य शब्दयात्राबाट
