शब्दयात्रा प्रकाशनबाट २०८२ सालको ‘शब्दयात्रा प्रतापमान–झरना मास्के नेवाः सभ्यता अनुसन्धान विद्वतवृत्ति’ प्राप्त गर्नुभएका अनुसन्धाता प्रकाश उज्ज्वल बनेपा (प्रकाशबहादुर कायस्थ) ले विद्वतवृत्ति ग्रहण गरेर लेख्नुभएको अनुसन्धान प्रतिवेदन शब्दयात्रा प्रकाशनमा बुझाउनुभएको छ । उहाँले प्रतिवेदनको नाउँ ‘नेवाः सभ्यताका केही संस्कार–संस्कृति’ राख्नुभएको छ । उक्त विद्वतवृत्ति शब्दयात्रा प्रकाशनको लघु अनुसन्धान परियोजना अन्तर्गत नेवाः सभ्यताका विषयमा प्रकाशनयोग्य अनुसन्धानात्मक सामग्री तयार पार्नका लागि गत मङ्सिर २७ गते समर्पण गरिएको थियो । उक्त विद्वतवृत्ति साहित्यकार तथा लेखाविज्ञ लोकमान मास्केको आर्थिक व्यवस्थापनमा स्थापना गरिएको हो । उक्त प्रतिवेदन यही फागुन महिनामा सार्वजनिक गरिनेछ ।