Shabdayatra Prakashan | Banepa – Akshyardham

भूप–मुक्ति विकलाङ्ग छात्रवृत्ति रेश्मा तामाङलाई

admin

-

May 1, 2026

शब्दयात्रा प्रकाशनले हरेक वर्ष १ जना विकलाङ्ग विद्यार्थीलाई ‘शब्दयात्रा भूप–मुक्ति विकलाङ्ग छात्रवृत्ति’ समर्पण गर्ने गरेको छ । शारीरिक रूपमा विकलाङ्ग छात्रछात्राहरू शैक्षिक, बौद्धिक र मनोवैज्ञानिक रूपमा सबल बन्न सकून् भन्ने उद्देश्यले यस छात्रवृत्तिको व्यवस्था गरिएको हो । यस वर्ष २०८३ सालमा यो छात्रवृत्ति काभ्रेपलाञ्चोक पातलेखेतको हनुमान माध्यमिक विद्यालयमा कक्षा १० मा अध्ययन गरिरहेकी छात्रा रेश्मा तामाङमा समर्पण गरिने भएको छ । छात्रवृत्तिको रकम र प्रमाणपत्र यही जेठ महिनामा समर्पण गरिनेछ । यसअघि यो छात्रवृत्ति छजना छात्रले पाइसकेका छन् । यस छात्रवृत्तिका लागि लेखक तथा सहप्राध्यापक डा. रूपनारायण श्रेष्ठले आफ्ना पितामाताको स्मृति र सम्मानस्वरूप शब्दयात्रा प्रकाशनमा अक्षयकोषको व्यवस्था गरिदिनुभएको छ । छात्रवृत्ति प्राप्त गर्न लाग्नुभएकोमा रेश्मा तामाङलाई शब्दयात्रा प्रकाशन अग्रिम बधाई ज्ञापन गर्दछ ।

करथरी मा. वि. का तीन विद्यार्थीलाई छात्रवृत्ति समर्पण गरिने

admin

-

April 30, 2026

0

शब्दयात्रा प्रकाशनले काभ्रेपलाञ्चोक जिल्लाका गरिब तथा जेहेन्दार १० जना विद्यार्थीलाई सम्बन्धित विद्यालयको सिफारिसमा हरेक वर्ष ‘शब्दयात्रा दिव्यवती–कान्तुप्रसाद छात्रवृत्ति’ समर्पण गर्ने गरेको छ । काठमाडौँ चाबहिल शान्तिगोरेटो निवासी शेखरप्रसाद ढुङ्गानाले आफ्ना मातापिताको सम्मानमा कोष व्यवस्थापन गर्नुभएको उक्त छात्रवृत्ति २०८३ सालका लागि आगामी जेठ महिनामा समर्पण गरिनेछ । १० जना विद्यार्थीमध्ये ३ जना विद्यार्थीको नाम धुलिखेल नगरपालिका वडा नं. ९ काभ्रेभञ्ज्याङमा रहेको करथरी माध्यमिक विद्यालयबाट प्राप्त भएको छ । त्यस विद्यालयले कक्षा १ का नरेन्द्र परियार, कक्षा २ का कृष्ण मिजार र कक्षा ३ की सुजिता सुनुवारको नाम उपलब्ध गराएको छ । छात्रवृत्तिका लागि चयन हुनुभएकोमा उहाँहरूलाई बधाई ज्ञापन गर्दै गरिब तथा जेहेन्दार विद्यार्थीको चयन गरी नाम उपलब्ध गराएकोमा करथरी माध्यमिक विद्यालयका प्रधानाध्यापकज्यूप्रति शब्दयात्रा प्रकाशन आभार व्यक्त गर्दछ ।

गणेश मा. वि. का तीन छात्रालाई छात्रवृत्ति समर्पण गरिने

admin

-

April 30, 2026

0

शब्दयात्रा प्रकाशनले काभ्रेपलाञ्चोक जिल्लाका गरिब तथा जेहेन्दार १० जना विद्यार्थीलाई सम्बन्धित विद्यालयको सिफारिसमा हरेक वर्ष ‘शब्दयात्रा दिव्यवती–कान्तुप्रसाद छात्रवृत्ति’ समर्पण गर्ने गरेको छ । काठमाडौँ चाबहिल शान्तिगोरेटो निवासी शेखरप्रसाद ढुङ्गानाले आफ्ना मातापिताको सम्मानमा कोष व्यवस्थापन गर्नुभएको उक्त छात्रवृत्ति २०८३ सालका लागि आगामी जेठ महिनामा समर्पण गरिनेछ । १० जना विद्यार्थीमध्ये ३ जना विद्यार्थीको नाम पाँचखाल नगरपालिका वडा नं. ५ भमरकोटमा रहेको गणेश माध्यमिक विद्यालयबाट प्राप्त भएको छ । त्यस विद्यालयले कक्षा ४ की सभ्यता तिमल्सिना, कक्षा ५ की सुनिसा तिवारी र कक्षा ६ की डोल्मो तामाङको नाम उपलब्ध गराएको छ । छात्रवृत्तिका लागि चयन हुनुभएकोमा उहाँहरूलाई बधाई ज्ञापन गर्दै गरिब तथा जेहेन्दार विद्यार्थीको चयन गरी नाम उपलब्ध गराएकोमा गणेश माध्यमिक विद्यालयका प्रधानाध्यापकज्यूप्रति शब्दयात्रा प्रकाशन आभार व्यक्त गर्दछ ।

२७४. डा. जगदीशराज बराल : संस्मरण र मूल्याङ्कन

publications

admin

-

0

२७४. डा. जगदीशराज बराल : संस्मरण र मूल्याङ्कन

हरि मञ्जुश्रीद्वारा सम्पादित यस पुस्तकमा नेपालको कृषि क्षेत्रका विज्ञका रूपमा सुपरिचित व्यक्तित्व डा. जगदीशराज बरालले राष्ट्रिय, सामाजिक र पारिवारिक तहबाट गर्नुभएका योगदानहरू संस्मरणात्मक रूपमा लिपिबद्ध भएका छन् । केही लेखहरूमा उहाँले नेपालको कृषिविकासका लागि गर्नुभएको योगदानका बारेमा सविस्तार वर्णन गरिएको छ । विशेषतः कृषि अनुसन्धान र त्यसको व्यवस्थापनका क्षेत्रमा उहाँको भूमिकाले कस्तो वातावरणको सिर्जना भयो र त्यसबाट नेपालले कति लाभ लिन सक्यो भन्ने कुरा यसबाट थाहा पाउन सकिन्छ । त्यसैले यो पुस्तक डा. जगदीशराज बरालमाथिको संस्मरण र मूल्याङ्कन मात्र नभई नीतिगत र व्यावहारिक तहमा समग्र कृषिविकास र कृषि अनुसन्धानका क्षेत्रको अभिलेख पनि बनेको छ ।

श्रीजला बस्नेतलाई माधवी अधिकारी छात्रवृत्ति समर्पण गरिने

admin

-

April 28, 2026

0

शब्दयात्रा प्रकाशनले श्रीजला बस्नेतलाई २०८३ सालको ‘शब्दयात्रा माधवी अधिकारी छात्रवृत्ति’ समर्पण गर्ने भएको छ । ओखलढुङ्गा जिल्लामा घर भएकी श्रीजला बस्नेत हाल बनेपाको काभ्रे माध्यमिक विद्यालयमा कक्षा ८ मा अध्ययनरत हुनुहुन्छ । उहाँलाई छात्रवृत्तिको रकम र प्रमाणपत्र यही जेठ महिनामा समर्पण गरिनेछ । यस छात्रवृत्तिको कोष व्यवस्थापन आफ्नी धर्मपत्नी साहित्यकार तथा शिक्षासेवी माधवी अधिकारीको स्मृतिमा लेखक, वैज्ञानिक तथा काठमाडौँ विश्वविद्यालयका संस्थापक रजिस्ट्रार डा. सीताराम अधिकारी (काठमाडौँ) ले गर्नुभएको हो । यो छात्रवृत्ति हरेक वर्ष समर्पण गर्ने गरिन्छ । गत वर्ष यो छात्रवृत्ति सबिना योन्जनलाई समर्पण गरिएको थियो ।

शब्दयात्रा प्रकाशनलाई नवक्षितिज रजत सम्मान

admin

-

April 27, 2026

0

शब्दयात्रा प्रकाशनलाई नवक्षितिज रजत सम्मान

शब्दयात्रा प्रकाशनलाई ‘नवक्षितिज साप्ताहिक’ ले रजतवर्ष समापन समारोहमा आज वैशाख १४ गते ‘नवक्षितिज रजत सम्मान’ प्रदान गरेको छ । कला, साहित्य, पत्रकारिता तथा प्रकाशन क्षेत्रको विकास र प्रवर्द्धनमा निरन्तर योगदान पु¥याउँदै भाषा, साहित्य र विचारको समृद्धिमा अमूल्य भूमिका निर्वाह गरी समाजमा सकारात्मक परिवर्तन ल्याउन खेलेको महत्त्वपूर्ण भूमिकाको उच्च कदर गर्दै सम्मान गरिएको बेहोरा सम्मानपत्रमा उल्लेख छ । शब्दयात्रा प्रकाशनका तर्फबाट कार्यसम्पादन समितिका सदस्य अमृत अधिकारीले सम्मानपत्र ग्रहण गर्नुभएको छ । सम्मान गरेकोमा नवक्षितिज साप्ताहिक परिवारलाई शब्दयात्रा प्रकाशन धन्यवाद ज्ञापन गर्दछ ।

गायक–गायिकालाई आभारपत्र प्रदान

admin

-

April 21, 2026

0

शब्दयात्रा प्रकाशनद्वारा उत्पादित तथा हरि मञ्जुश्रीद्वारा सङ्गीतबद्ध गानमा स्वर दिनुभएका नौजना गायक–गायिकालाई शब्दयात्रा प्रकाशनले आभारपत्र समर्पण गरेको छ । आभारपत्र प्राप्त गर्ने गायक–गायिकाहरूमध्ये रश्मि हुमागाईं, इ. रोशन मञ्जुश्री अधिकारी, वसन्त कुइकेल र गीता अधिकारीलाई प्रा. डा. कुलप्रसाद कोइरालाले आभारपत्र समर्पण गर्नुभएको थियो । रश्मि हुमागाईंको आभारपत्र उहाँको अनुपस्थितिमा इ. रोशन मञ्जुश्री अधिकारीले ग्रहण गर्नुभएको थियो । यसै गरी कृष्णमणि कुइकेल, केदारनाथ तिमल्सिना, शिव बन्जारा र कालिका त्रिपाठी पन्तलाई डा. इन्दुल केसीले आभारपत्र समर्पण गर्नुभएको थियो । पुण्यवती घले उपस्थित हुन सक्नुभएको थिएन । उपस्थित गायक–गायिकालाई हरि मञ्जुश्रीले रुद्राक्षमाला लगाइदिनुभएको थियो ।

कृतिकार र सुपरिवेक्षकलाई कृतज्ञतापत्र

admin

-

April 21, 2026

0

शब्दयात्रा प्रकाशनद्वारा उत्पादित तथा हरि मञ्जुश्रीद्वारा लिखित एवम् सङ्गीतबद्ध गानहरूका विषयमा ‘हरि मञ्जुश्रीका उद्बोधन गान’ नामक कृति सिर्जना गरी प्रोत्साहन र आशीर्वाद दिनुभएकोमा अनुसन्धाता, समालोचक तथा सर्जक प्रा. डा. कुलप्रसाद कोइरालालाई, ‘हरि मञ्जुश्रीका जागरण गान’ नामक कृति सिर्जना गर्नुका साथै ‘हे सच्चिदानन्द विशुद्धदेव’ गानमा ८४ वर्षको उमेरमा स्वर दिनुभएकोमा लेखक तथा भजनगायक डा. इन्दुल केसीलाई र ती गानहरूको सुपरिवेक्षण गरी प्रोत्साहन र आशीर्वाद दिनुभएकोमा प्रथम साङ्गीतिक सुपरिवेक्षक गीतिभास्कर मच्छेश्वर सापकोटालाई शब्दयात्रा प्रकाशनले कृतज्ञतापत्र समर्पण गरेको छ । कृतज्ञतापत्र समर्पण गर्ने क्रममा प्रा. डा. कुलप्रसाद कोइरालालाई नियात्राकार रत्नकुमार श्रेष्ठले रुद्राक्षमाला, आयुर्वेदिक चिकित्सक डा. छत्रपति दाहालले उपहार र हरि मञ्जुश्रीले कृतज्ञतापत्र एवम् डा. इन्दुल केसीलाई लेखक ध्रुव नेपालले रुद्राक्षमाला, हरि मञ्जुश्रीले उपहार र प्रा. डा. कुलप्रसाद कोइरालाले कृतज्ञतापत्र समर्पण गर्नुभएको थियो । पारिवारिक व्यस्तताले कार्यक्रममा उपस्थित हुन नसक्नुभएका मच्छेश्वर सापकोटाका तर्फबाट खड्गप्रसाद सापकोटाले रुद्राक्षमाला, उपहार र कृतज्ञतापत्र ग्रहण गर्नुभएको थियो ।

गायिका विष्णु परियारलाई शब्दयात्रा प्रकाशनबाट सम्मान

admin

-

April 20, 2026

0

गायिका विष्णु परियारलाई शब्दयात्रा प्रकाशनबाट सम्मान

शब्दयात्रा प्रकाशनका आजीवन सदस्य तथा आध्यात्मिक लेखक ओतबहादुर खड्काले आफ्नी धर्मपत्नीको स्मृति र सम्मानमा कोष व्यवस्थापन गर्नुभएको ‘शब्दयात्रा मैया खड्का सारस्वत सम्मान, २०८२’ लमजुङ जिल्ला रागिनासकी सारस्वत प्रतिभा विष्णु परियारमा समर्पण गरिएको छ । स्नातकोत्तर तहमा ठाडोभाका लोकगीतका विषयमा शोधकार्य गर्नुका साथै शिक्षण कार्यमा व्यस्त रहँदारहँदै पनि लोकदोहोरी गायनमा समेत सक्रिय रहेर लोकगीत–सङ्गीतका क्षेत्रमा गर्नुभएको योगदानका लागि उहाँलाई उक्त सम्मान समर्पण गरिएको हो । सम्मान गर्ने क्रममा शब्दयात्रा प्रकाशनको संरक्षण समितिका अध्यक्ष हरि मञ्जुश्रीले रुद्राक्षमाला, कोष व्यवस्थापक ओतबहादुर खड्काका तर्फबाट पूर्वप्रशासक तथा लेखक चन्द्रबहादुर खड्काले उपहार तथा नेपाल संस्कृत विश्वविद्यालयका पूर्वउपकुलपति प्रा. डा. कुलप्रसाद कोइरालाले सम्मानपत्र समर्पण गर्नुभएको थियो ।

मतिपुराण सार्वजनिक

admin

-

April 20, 2026

0

अग्रज पत्रकार तथा साहित्यकार बलदेव थापाले लेख्नुभएको हास्यव्यङ्ग्यसङ्ग्रह ‘मतिपुराण’ सार्वजनिक गरिएको छ । उहाँका छोरा उद्धव थापा र बुहारी सिर्जना थापाले संयुक्त रूपमा उक्त पुस्तक सार्वजनिक गर्नुभएको हो । कार्यक्रममा आफ्नो पुस्तकका बारेमा लेखक बलदेव थापाले जानकारी दिनुभएको थियो । कार्यक्रम शब्दयात्रा प्रकाशनको सभाकक्षमा आयोजना गरिएको थियो । शब्दयात्रा प्रकाशनको २७२ औँ प्रकाशन रहेको ‘मतिपुराण’ बलदेव थापाद्वारा लिखित तेस्रो कृति हो । यसअघि उहाँका ‘बा’ को वाम’ (एतिहासिक परिचय) र ‘कुराको सास्ती’ (व्यङ्ग्यकवितासङ्ग्रह) प्रकाशित थिए । ‘मतिपुराण’ मा १०८ वटा हास्यव्यङ्ग्यात्मक निबन्धहरू छन् । संवाद शैलीमा लेखिएको यो सङ्ग्रह २६४ पृष्ठको छ र मूल्य ५०० रुपियाँ राखिएको छ । पुस्तकमा सुप्रसिद्ध हास्यव्यङ्ग्यकार प्रा. रामकुमार पाँडेको मन्तव्य रहेको छ । यो पुस्तक www.sypublication.com.np/baldevthapa टाइप गरेपछि अनलाइनमा पनि पढ्न पाइन्छ ।

Welcome to Liberty Case

Welcome to Liberty Case

भूप–मुक्ति विकलाङ्ग छात्रवृत्ति रेश्मा तामाङलाई

करथरी मा. वि. का तीन विद्यार्थीलाई छात्रवृत्ति समर्पण गरिने

गणेश मा. वि. का तीन छात्रालाई छात्रवृत्ति समर्पण गरिने

२७४. डा. जगदीशराज बराल : संस्मरण र मूल्याङ्कन

श्रीजला बस्नेतलाई माधवी अधिकारी छात्रवृत्ति समर्पण गरिने

शब्दयात्रा प्रकाशनलाई नवक्षितिज रजत सम्मान

गायक–गायिकालाई आभारपत्र प्रदान

कृतिकार र सुपरिवेक्षकलाई कृतज्ञतापत्र

गायिका विष्णु परियारलाई शब्दयात्रा प्रकाशनबाट सम्मान

मतिपुराण सार्वजनिक